News Feature_Atania Mazda (11205244048)

FUNGSI ALUN ALUN LOR NGAYOGYAKARTA

Alun-alun Lor Yogyakarta saiki bisa sinebut minangka ruang  public kanggo wargo masyarakat. Kanggo ngengar-engar penggalih. Nalika isuk utawa sore-sore akeh para warga tuwo enom tekan bocah kang manfaatke lapangan jembar ing sak ngarepe kraton Yogyakarta. Menawa lagi sebel ing ngomah kadang dolan menyang alun-alun lor, dolanan bal-balan utawa guyonan. Kejaba kuwi alun-alun lor kanggo kegiatan keramaian kayata ana pasar malem perayaan Sekaten. Critane Drs Agung Kurniawan,MSi, kepala perpustakaan kabupaten Kulonprogo kang nalika jaman cilike lan remaja manggon ing kampong Nataprajan, kang ora adoh karo alun-alun lor Yogyakarta.Kanggone Agung, ing jamane nggolek hiburan kang murah meriah iku ana ing alun-alun lor. Kampanye pemilu sing paling gedhe biasane dipunjerke ing alun-alun. Uga manika pameran lan pertandhingan olahraga asring diadani ing alun-alun lor. Sejatine alun-alun lor ora mung sekedar ruang public kanggo masyarakat Jogja. Ana ing rancangan tata kota kraton jaman mbiyen. Sing jenenge kraton durung lengkap  menawa ora ana alun-alune.Konsep kraton alun-alun masjid lan pasar iku uga diadopsi ing kaprajan sakngisore kraton, kayata ing kadipaten, kabupaten tekan kapanelon. Mung wae alun-alun ing tingkat kabupaten temtu luwih cilik  dibandhing karo alun-alun ing kraton. Semono uga ing tingkat kapanewon utawa kecamatan miniature alun-alun luwih cilik lan temtu jenenge dudu alun-alun nanging lapangan kapanewon. Nalika pangeran mangkubumi utawa Sultan Hamengkubuwono I adeg kraton Yogyakarta Hadiningrat ing tanggal 7 Oktober 1757, kaya para leluhure nalika ngedhegage kraton Mataram, saliyane mbangun kraton kang kuat uga gawe alun-alun lor kang ana ing saklore kraton lan alun-alun kidul.   

Biografi Tokoh_Atania Mazda (11205244048)

Sony Arya Santoso

Sony Arya Santoso, miyos wonten ing tlatah Sumatera 49 tahun kapengker. Pawiyatan ingkang dipun lampahi wiwit SMP dumugi SMA wonten ing Jakarta, amargi tiyang sepuhipun makaryanipun wonten Jakarta. Yoga kaping pitu saking 9 pasedherekan menika nate malang megung anggenipun ngayahi panguripanipun. 

Ing Jakarta piyambakipun saged dipun wastani preman, amargi remen mabuk-mabukan lan ngompasi angkot wonten Jakarta. Boten saged mangkir, bilih piyambakipun nalika mlancong wonten Balisolah bawanipun ugi tasih mekaten. Anggenipun gesang wonten Bali menika saged dipun wastani bohemian.

Artikel Wisata_Atania Mazda (11205244048)

Umbul jumprit 

Toya  berkah lereng gunung sindoro

Umbul jumprit kaliyan sendang jumprit menika menawi dipun gatosaken sederhana sanget panggenanipun. Wonten sakkiwa tengenipun Umbul Jumprit kawontenan goa,  hutan, kethek, maneka warni manuk, lembah, perkebunan, lanskap dataran tinggi lereng Gunung Sindoro, kaliyan deru anak sungai ingkang ngalir saking Umbul Jumprit.

Umbul Jumprit menika sumber air kangge Kali Progo, kali paling panjang wonten Jawa Tengah. 18  Januari 1987 dipuntetapaken sebagai Kawasan Wanawisata dening Pemerintah Kabupaten Temanggung kaliyan diresmiaken tahun 1988 dening Gubernur Jawa Tengah (sakmenika HM Ismail). Boten namung kaendahan alam kemawon ingkang dipunpameraken dening Umbul Jumprit, nanging ugi cariyos babagan Sejarah Kerajaan paling ageng wonten Nusantara, inggih menika Kerajaan Majapahit. Dalan mlebet wonten Umbul Jumprit menika diapit kaliyan gapura ingkang dhuwuripun 2,5 meter. Lajeng badhe dipun priksani lawang nomer kalih ingkang kadamel saking susunan batu hitam berarsitektur candi Hindu.

Straight news_Atania Mazda (11205244048)

Penambahan Wahana Enggal 

Wonten Taman Pintar Yogyakarta

Yogyakarta 17 Desember 2013. Liburan sekolah, natalan warsa enggal ugi, papan rekreasi pendidikan Taman Pintar Kota Yogyakarta nambah wahana enggal. Wahana enggal tingkat Nasional Indonesia menika kangge para wisatawan uginipun para lare – lare saged ninggali produk seni Indonesia ingkang kualitasipun mboten kalah kalian negari majeng sanesipun Indonesia. Wahana menika dipunkepyakaken dening pemerintah Yogyakarta.

Wacana Prosedural_Atania Mazda (11205244048 )

Ngrumat Pasuryan Kanthi Bahan Alami

Saben wanitha mesthi kepingin duwe kulit pasuryan sing kenceng lan alus mulus. Maneka cara dilakoni amrih bisa duwe kulit pasuryan kaya kang dipengeni iku. Akeh-akehe salon lan produk kosmetik tinamtu dadi pilihan. Nanging produk-produk kosmetik kaya iku ngandhut bahan-bahan kimia sing bisa nuwuhake efek samping lan tansah gumantung (ketergantungan). Lire saumpama lerenolehe nganggo ing jangka waktu tinemtu kulit bakal katonkusem kepara malah rusak. Ana bahan-bahan alami sing aman lan bisa aweh mupangat langsung tumrap kulit pasuryan. Dadi yen lagi aras-arasen utawa ora kober menyang salon bisa ditindhake dewe nang omah.

Jagung Manis

Bahan-bahan mau ing antarane jagung manis.  Bahan iki akeh ngandhut vitamin lan zat-zat sing migunani kanggo kulit. Pilih jagung manis sing seger, diparut lrmbut, banjur dioleske kanthi warata ing pasuryan. Tunggu sauntara nganti jagung garing lan rumesep ing kulit. Yen wis, bilasi nganggo banyu anget lan diusap nganggo andhuk sing lembut. Kulit ora mung krasa seger, nanging bakal krasa kenceng lan alus sawise dimasker nganggo jagung manis.

feature news (Bali)_Atania Mazda (11205244048)

Umah Adat Bali Kanthi Konsep Asta Kasola – Kasoli

Asta kasola – kasoli inggih menika salah satunggaling cara ingkang dipunginakaken kangge nata lahan kangge papan panggenan kaliyan bangunan suci wonten omah tradisional Bali. Tatanan bangunan sakmenika adhedasar Anantomi tubuh ingkang kagungan griya. Pangukuranipun luwih ngutamakaken saking paraga empunipun ingkang kagungan griya. Masyarakat Bali boten ngginakaken meteran, ananging ngginakaken kados menika:

• Musti 

         Ukuran utawi dimensi ukuran tangan kanthi ngepel kaliyan jempol ingkang madhep nginggil

• Hasta 

        Ukuran sekilan jarak tangan tiyang dewasa saking pagelangan tangan dumugi ujung driji  tengah ingkang kebikak

• Depa 

         Ukuran ingkang dipunginakaken antara kalih bentanganipun tangan ingkang dipunlentangken saking kiwa lajeng wonten tengen)

 Lajeng samangkih ageng griyanipun ideal kaliyan empunipun ingkang kagungan griya. Kosmologi Bali menika saged dipungambaraken kanthi hirarki utawa runtut kados Tri Loka, inggih menika:

• Bhur Loka inggih menika dhasaring bangunan (kaki)
• Bwah Loka inggih menika badan bangunan (badan)
• Swah Loka ingih menika ateping bangunan (kepala)